కాశీ యాత్రలో 209 మజిలీలు గడిచాయి. అపూర్వ మణి ప్రభావంతో అద్భుతమైన, విచిత్రమైన కథలు చెప్తూ వస్తున్న మణిసిద్ధుడు గోపాలునితో 210 మజిలీ చేరుకున్నాడు. మజిలీ చేరుకుంటూనే, గోపాలుడు ఆ మజిలీ చేసిన గ్రామంలో ఒక గోడ మీద కనిపించిన నారద మహర్షి చిత్రాన్ని చూసి, ఆ కథేమిటో చెప్పమంటాడు. అలా, నారద జన్మ వృత్తాంత్తంతో మొదలై, నారద గర్వభంగమూ మొదలైన కథలతో కొనసాగిన, కాశీ మజిలీ కథల 10వ భాగం 249వ మజిలీలో నారద పంచచూడుల సంవాదంతో ముగుస్తుంది.